வராது ஆனால் வரும் !

மணற்கேணி முடிவுகள் வருமா ? வராதா ? போட்டி நடக்கிறதா ? இல்லையா ? என்று தத்தமுக்குள் பதிவர்கள் பந்தயம் கட்டிய தாக அறிந்தோம், இன்னும் சிலர் மணற்கேணி 2009 என்கிற தலைப்பையே கூட மறந்திருப்பார்கள். பதிவர்கள் அனைவரிடத்திலும் இதன் காலம் தாழ்த்துதல் குறித்து வருத்தம் தெரிவித்துக் கொள்கிறோம். காலம் தாழ்ந்தற்கு சில காரணங்கள் உண்டு, குறிப்பாக சிறப்பான நடுவர்களைத் தேர்ந்தெடுக்கவும், அவர்களின் ஒப்புதல் பெறவும் காலம் நீண்டது.

மணற்கேணி போட்டிக்கு 50 கட்டுரைகள் வரையில் வந்தது. 90 விழுக்காடு கருத்து செறிவுடன் எதிர்பார்த்ததை விட சிறப்பான உழைப்பை எழுத்தில் காட்டி இருந்தனர். போட்டியில் கலந்து கொண்டவர்கள் அனைவருக்கும் நன்றியையும் பாராட்டுகளையும் தெரிவித்துக் கொள்கிறோம்.

குழு மின் அஞ்சலுக்கு வந்த மின் அஞ்சல்களுக்கு, பின்னூட்டங்களுக்கு உடனடியாக பதில் கூற முடியவில்லை, அந்த மின் அஞ்சல்களை நாள் தோறும் தொடர்பில் இருக்கும் மற்ற மின் அஞ்சல்களுடன் இணைத்திருக்காததால் உடனடியாக மின் அஞ்சல்களை வாசிக்க முடியாமல் போய் விட்டது. வருந்துகிறோம்.

மணற்கேணி போட்டி குறித்து கேள்வி எழுப்பிய பின்னூட்டங்கள் தானாகவே வெளியாகி இருந்ததால் கேள்விகளை உடனுக்குடன் படிப்பதற்கு வாய்பில்லாமல் போய் விட்டிருந்தது. மட்டுறுத்தல் வைத்திருந்தால் வெளி இடும் போதே அதற்கான பதிலும் சொல்லி இருக்க முடியும். இந்த போட்டியை நடத்தும் அனைவருமே பகுதி நேரமாக செய்வதாலும், முதல் முறையாக இவ்வாறான போட்டி நடத்துவதாலும் போதிய துய்ப்புகளை இதில் தான் கற்றுக் கொள்கிறோம். அடுத்து நடத்தும் போட்டிகளில் இந்த குறைகளை களைந்துவிட்டு சிறப்பாக செயல்படுவோம் என்கிற உறுதி கூறுகிறோம்.

போட்டி முடிவுகள்:

அரசியல், அறிவியல் மற்றும் இலக்கியம் இவற்றில் அறிவியல் பிரிவு நடுவர்களால் அறிவியல் பிரிவுக்கு வந்த கட்டுரைகளில் பரிசு பெரும் கட்டுரை முடிவு செய்யப்பட்டுள்ளது.

அறிவியல் போட்டியில் வெற்றியாளர் பற்றிய முடிவு வரும் புதன் கிழமை 10/பி/2010 (தேதி குறிப்பிட்டாகவிட்டது சத்தியமாக சொல்லிவிடுவோம்)
அறிவிக்கப்படும்

இலக்கியப் போட்டியின் முடிவு வரும் 12/பிப்/2010 அன்று அறிவிக்கப்படும்

அரசியல் பிரிவு பிப்ரவரி இறுதிக்குள் அறிவிக்கப்படும்.

போட்டியில் பங்கெடுத்தவர்கள் அனைவருக்கும் சிறப்பு பரிசுகள் உண்டு

விரைகணை போட்டி வெற்றியாளர்கள் !

1. டி.சுரேஷ்குமார்
2. அருணா
3. லக்கிலுக்
4. சென்பகராமன் பி.வி
5. முத்தமிழ்செல்வன்
6. தருமி
7. நா.ஜெயசங்கர்
8. குசும்பன்

பின் குறிப்பு :
இதில் ஒரு சிலர் பகுதியளவே கணித்திருந்தாலும் போட்டியில் கலந்து கொண்டு முதலில் அனுப்பியதாலும், சரியாக கணித்தாலும் போட்டி முடிவு நேரத்துக்கு பின்பும் மனம் தளராமல் அனுப்பிய ஒருவரும் வெற்றியாளர் பட்டியலில் உள்ளனர்.

வெற்றியாளர்களுக்கு பரிசு தொடர்பாக மின்மடல் அனுப்பப்படும்

மேலும் விவரங்கள் இங்கே !

எனது கட்டுரையை குழுப்பதிவில் கவனமின்மையால் வெளி இட்டுவிட்டேன், அது இங்கே இருக்கிறது
(கோவி.கண்ணன்)

சிங்கப்பூர் சரக்கு = சிங்கார சரக்கு

சிங்கை பதிவர்கள் மற்றும் தமிழ்வெளி இணையதளம் இணைந்து நடத்தும் மணற்கேணி - 2009 போட்டிகளில் பங்கெடுத்து பரிசுகளை வெல்லுங்கள்-அள்ளுங்கள்!
மணற்கேணி - 2009 போட்டியைப் பற்றி தெரிந்துகொள்ள இங்கு சொடுக்கவும்

சிங்கப்பூர் சரக்கு = சிங்கார சரக்கு

சிங்கப்பூர் ஒரு சிறிய நாடு என்பது அனைவருக்கும் தெரியும். இதன் பரப்பளவு சுமார் 740 சதுர கிலோ மீட்டர். பெருமளவில் தமிழர்களும் வாழும் அழகிய நாடு, இதைக் கட்டமைத்தது மற்றும் இந்த நாட்டில் வாழும் பல இன மக்களை பேணி காப்பது தலைமைத்துவம், தலைமைத்துவம் மட்டுமே என்றால் அது மிகையாகாது. சிங்கப்பூரில் சீனர்கள்,மலாய்க்காரர்கள் மற்றும் தமிழர்கள் வாழ்ந்து வருகிறார்கள்.

தமிழர்கள் வாழும் நாடுகளில் தமிழர்களின் பண்பாட்டு விழுமியங்களை பேணி காப்பதிலும் தலை சிறந்து விளங்குகிறது சிங்கப்பூர். சாலட் பவுல் கல்ச்சரை() பெரிதும் நம்பும் இந்த நாட்டின் தலைமை, இலங்கை போன்ற நாடுகளில் மெல்டிங் பொட் கல்ச்சரால்() ஏற்பட்ட தோல்விகளை சுட்டிக்காட்டத் தவறுவதில்லை. சிங்கையில் எல்லா இடங்களிலும் ஆங்கிலம்,சீனம்,மலாய் மற்றும் தமிழ் மொழிகளில் அறிவிப்புகள் செய்வது,பெயர்ப்பலகைகள் வைத்திருப்பது எளிதாகவும் புரிந்துணர்வை ஏற்படுத்தும் வகையிலும் மிளிர்கின்றன.

தமிழர்களுக்கு சிங்கப்பூர் ஒரு தனித்தன்மை வாய்ந்த நாடாகத் தெரிவதற்கு இதுவே முதன்மையான காரணம்.

ஐரோப்பிய,அமெரிக்க மற்றும் மத்திய கிழக்கு நாடுகளை விட தினசரி வாழ்க்கையில் எற்படும் செலவினங்கள் அனைவராலும் சமாளிக்கக் கூடியதாக, வருமானத்திற்கு உகந்ததாக இருப்பது சற்று ஆறுதலானது. பெரும்பாலான தொழில் நுட்பங்களை அறிமுகப் படுத்த பல நிறுவனங்களும் தேர்ந்தெடுக்கும் நாடு சிங்கப்பூர் என்பது இன்னொரு சிறப்பான நிலை.

பெரும்பாலனான தமிழர்கள் பணி,பொருள் ஈட்டுதல் மற்றும் வாழ்வியலுக்கு சிங்கப்பூரை தேர்ந்தெடுப்பதற்கு அது நான்கு மணி நேர விமான பயணம் மட்டுமெ எடுத்துக்கொள்ளும் நாடு. உறவுகளைப் பிரிந்து பொருள் ஈட்டுவதற்காக புலம்பெயர்ந்து வாழும் நம் மக்கள், உறவுகளுக்கு எதாவது நல்லது,கெட்டது என்றால் உடனே சென்று சேர ஏதுவாக மிக அருகாமையில் உள்ள நாடு என்பது குறிப்பிடத்தக்கது.

சிங்கப்பூர் பாதுகாப்பான நாடு என்பது வெளி நாட்டுப் பயணிகளை ஈர்ப்பதற்கும், அதனால் பெருமளவு அன்னியச் செலாவணியை ஈட்டுவதற்கும் பெரிதும் பயன்படுகிறது. எதையும் எளிதாக்கித் தரும் தன்மை, வசதிகளை உருவாக்கிக் கொண்டெ இருப்பது, மாற்றங்களை புகுத்தி எளிமைப்படுத்தி மக்களைப் பழக்குவது, அறிவார்ந்த மக்களை உருவாக்க அன்றாடம் அயராது உழைப்பது போன்றவகள் இந்நாட்டின் வெற்றியின் இரகசியம்.

வரிகளைக் குறைத்து வழிகளைக் கொணரும் வல்லமை படைத்த நாடாக இருப்பதால், எந்த இயற்கை வளங்களும் இல்லாத போதும் தலை நிமிர்ந்து வளர்ந்த நாடுகளில் ஒன்றாக விளங்கி அதன் மக்களைக் காக்க அன்றாடம் பாடுபட முடிகிறது.

தொடரும்...!