அறிமுகம் ! சிங்கப்பூர் தமிழ் பதிவர்கள் குழு !

தமிழால் இணைந்தோம் - மொழி தரும் பயனை உணராத இனங்களே இல்லை. ஒரு மனிதனின் எந்த ஒரு அடையாளமும் தொலைந்து போனாலும், அவன் தனது அடையாளம் கான அவனுடன் இருப்பது அவன் பேசும் மொழி அவனை மீட்டுவிடும். தமிழகத்தில் அல்லது வெறெங்கு பிறந்திருந்தாலும் நம் அடையாளம் தாய் மொழி. எந்த ஒரு உறவும் இல்லாமல், எந்த வயதினராக பால் வேறுபாடின்றி நம்மால் ஒருங்கிணைய தாய்மொழி பாலம் அமைக்கிறது.

தமிழகம், இந்தியா, இலங்கை, மலேசியா, சிங்கப்பூர் என பல்வேறு பகுதியில் பிறந்தவர்கள், புலம் பெயர்ந்தவர்கள் என இன்றைய தேதியில் சாதி வேறுபாடு துறந்து இணைய முடிகிறதென்றால் தாய் மொழி இணைய வழி பெற்றும் தரும் பெரும் நன்மைகளில் அதுவும் ஒன்று. வலைப்பதிவாளராக இருக்கும் ஒருவர் எந்த நாட்டிற்குச் சென்றாலும் அங்கு நமக்கு ஒரு நண்பர் இருக்கிறார் என்று நினைக்க முடிகிறது. தனியெருவராக துணை ஏதுமின்றி எந்த நாட்டிலாவது தனித்து இருந்தால் இணையவழி தொடர்பு ஏற்படுத்திக் கொண்டு தனிமையை போக்கிக் கொள்ள முடிகிறது.

வலையில் எழுதுவது பொழுது போக்கு, சுய அரிப்பு என்பதைத் தாண்டிய பயன் என்றால் நட்பு வட்டத்தை ஏற்படுத்திக் கொள்ள முடிகிறது. ஒருவருக்கு கொருவர் முடிந்த எல்லைக்குள் இருந்து உதவிக் கொள்ள முடிகிறது. இவை தமிழால் கிடைத்த பலனின்றி வேரென்ன சொல்ல முடியும். தமிழருக்குள்ளே இருக்கும் மாபெரும் பிளவு சாதி, அதனைப் பொருட்படுத்தாது இணைகிறோம், அடுத்த பிளவு மதம் அதனை துரும்பைப் போல் எண்ணி தொலைவில் வைத்துவிட்டு இணைகிறோம்.

நட்புக்கும் பதிவில் எழுதுவதற்கும் தொடர்பில்லை என்பதை பதிவர்கள் நன்கு உணர்ந்திருக்கிறார்கள். மாறுபட்ட எண்ணங்களைக் கொண்டவர்களுடன் பழகுகிறோம் என்பதற்காக தனது எண்ணங்களை சுறுக்கிக் கொண்டு எழுத்தில் தடைகற்களை எவரும் விதைத்துக் கொள்வதில்லை. ஒருவரின் நட்பு வேறு, தனிமனித தாக்குதல் இல்லாவிட்டால் ஒருவரின் எழுத்தும் எண்ணமும் பிறருடன் ஒப்பிடும் போது வேறு, இதைப் பெருவாரியான பதிவர்கள் புரிந்து கொண்டுள்ளதால் மாறுபட்ட எண்ணங்கள் கொண்டோருடன் நெருக்கமாக பழகுகிறார்கள்.

இந்த எண்ணங்களின் அடிப்படையில் சிங்கையில் வசிக்கும், சிங்கைக்கு புலம் பெயர்ந்தும், சிங்கையில் தற்காலிகமாக வேலை செய்தும், சிங்கை நிலை குடியாளர்களுமான பதிவர்கள் ஒண்றினைந்துள்ளோம். எங்களது முயற்சியாக மணற்கேணி - 2009 ஒரு தொடக்கம்........எங்களது நட்பும்......இலக்கிய பயணமும் தொடரும். சிங்கைப் பற்றிய பதிவர்கள் அறிந்து வரும் செய்திகள், தகவல்கள், சிங்கைத் தொடர்புடைய நிகழ்வுகளில் பதிவர்கள் அறிந்து கொள்ள வேண்டிய அனைத்துத் தகவல்களும் இந்த வலைப்பூக்களின் மூலம் வரும்.

எங்களது இணையப்பக்கம் சிங்கை தமிழ் வலைப்பதிவர்கள் குழு

நன்றி
சிங்கப்பூர் தமிழ் பதிவர்கள் குழுவுக்காக
ஜெகதீசன்